Судья Айжан Құлбаева Ғазымжановқа тиісті түрде әрекет етуге мәжбүр болатынын айтты
Экс-министр Қуандық Бишімбаевтың сотында жарыссөзде сөйлеген адвокаты Ерлан Ғазымжанов үш рет ескерту алды, деп хабарлайды Qaz365.kz.
– Бір жыл ішінде Бишімбаев оны үш рет қана ұрды. Бірақ олар демалып, қалаған жеріне барып, қалағанын жеп, қымбат киім киіп, зергерлік бұйымдарды тақты. Бұл жағдайда ұру жағдайы тек үш рет болды. Ендеше, әр отбасына кіріп, күйеуіне 4 жылдан 7 жылға дейін берейік, – деді адвокат сот талқылауында сөйлеген сөзінде.
Судья Айжан Құлбаева Ғазымжановтың бұл сөзіне ескерту жасады.
– Егер сіз осындай мәлімдемелерді тағы айтсаңыз, сот тиісті түрде әрекет етуге мәжбүр болады, - деді Құлбаева.
Ғазымжанов сөзін жалғастырғанда, Қылмыстық іс жүргізу кодексінің ережелерін тағы бұзды.
– Орныңызға барыңыз, қорғаушы. Сот сізге үш рет ескерту жасады. Соған қарамастан, алқабилердің қатысуымен қабылданбайтын дәлелдеріңізді қайталап жатырсыз. Сіз түсінбегендіктен, тағы да түсіндіремін. Этикадан тыс сөзге жол берілмеуі тиіс, – деді Құлбаева.
Ол оған этикаға жат сөздер мінез-құлық пен мораль ережелеріне сәйкес келмейтінін түсіндірді.
– Міне, сіздің осы уақытқа дейін айтқан сөзіңіз моральдың да, мінез-құлықтың да нормаларына сәйкес келмейді. Бұл бірінші кезекте. Екіншіден, мен сізге Қылмыстық іс жүргізу кодексінің 650, Қылмыстық іс жүргізу кодексінің 389-баптарының талаптарын бірнеше рет түсіндіремін. Дегенмен, сіз оларды еш елемейсіз. Сондықтан мен сізге тағы да ескертемін, қорғаушы, егер сіз қылмыстық іс жүргізу заңнамасының нормаларын тағы бір рет бұзған болсаңыз, сот сізге тиісті актіні шығару арқылы тағы да шара қабылдауға мәжбүр болады. Сізге түсінікті ме, қорғаушы? - деді Құлбаева.
Сот процесіне 10 минуттық үзіліс жарияланды.
