Күздің алғашқы айы аяқталар шақта күндізгі температура біртіндеп көтеріледі.
«Қазгидромет» РМК синоптиктері 2025 жылдың 23-25 қыркүйегіне арналған ауа райы болжамын ұсынды, деп хабарлайды Qaz365.kz.
Метеорологтардың дерегінше, ел аумағының басым бөлігінде атмосфералық фронттардың өтуіне байланысты жауын-шашын сақталады. Батыс пен оңтүстікте күндіз найзағай ойнайды.
23 қыркүйекте шығыс өңірлерде, 23-24 қыркүйекте еліміздің оңтүстік-шығысында жаңбыр жауады. Тау бөктерінде түнгі уақытта жаңбыр қарға ұласуы мүмкін.
Сондай-ақ мамандардың айтуынша, республиканың кей жерлерінде жел күшейіп, түнде және таңертең тұман түсуі ықтимал.
Айта кетерлігі, күздің алғашқы айы аяқталар шақта күндізгі температура біртіндеп көтеріледі. Қазақстанның басым бөлігінде ауа температурасы +20…+28 °С, ал шығыста +10…+15 °С-тен +15…+25 °С-қа дейін жылынады.