Сондай-ақ найзағай ойнады
Алматы мен Алматы облысында қатты бұршақ жауып, найзағай ойнады, деп хабарлайды Qaz365.kz.
Қала және өңір тұрғындары әлеуметтік желіде фото, видеоларын жариялады.
Бұған дейін сағат 21:12-де алматылықтарға ауа райының нашарлайтыны туралы СМС хабарлама келген болатын.
"Алматы қаласында найзағай күтіледі, жел екпіні секундына 17 метрге дейін күшейеді", - делінген 112 қызметінің хабарламасында.
Сонымен қатар, әлеуметтік желідегі видеоға қарағанда, Алматы облысындағы Есік қаласында да қатты бұршақ жауған.