Тауық еті, ірімшік, сүзбе, макарон, май және күнбағыс майы, қырыққабат елге сырттан әкелінеді
Қазақстанда тоғыз өнім бойынша импортқа тәуелділік байқалады. Тізім бойынша қант бірінші орында тұр, деп хабарлайды Qaz365.kz тілшісі.
Үкімет отырысында ҚР Сауда және интеграция министрі Серік Жұманғариннің мәлімдеуінше, қанттың 90%-ы елге сырттан әкелінеді.
Сондай-ақ, негізгі импорттық өнімдердің ішінде тауық еті, ірімшік, сүзбе, макарон, май және күнбағыс майы, қырыққабат бар.
«Бізде ғылыми негізделген тұтыну нормалары бар. Бұл – 2016 жылы Экономика министрлігінің Денсаулық сақтау министрлігімен бірлесіп жасаған бұйрығы. Азық-түлік өнімдері бойынша елдегі өндіріс тұтыну нормаларын сақтау үшін жеткіліксіз. Біз тауарлардың бір бөлігін импорттаймыз», - деп түсіндірді Жұманғарин.