Бақыт Қажыбаев – театр және кино актері
Бұл туралы «Оян қазақта» басты рөлді ойнаған актер Бақыт Қажыбаев Қазақ радиосына берген сұхбатында айтты, деп хабарлайды Qaz365.kz.
Айта кетейік, күллі қазақ еліне Бақыт Қажыбаев «Міржақып. Оян, қазақ» фильміндегі қазақтың ағартушысы, халқын өлеңімен оятқан Міржақып Дулатов бейнесімен әйгілі болды. 1 млрд теңгеден астам касса жинаған фильм «Сыншылар таңдауы» байқауында жүлдегер атанды.
Радиоға берген сұхбатында актер кино жарыққа шыққаннан кейін оған көптеген жарнамаға ұсыныс түскенімен, ол түбегейлі бас тартқанын айтты.
«Міржақып атамыздың киносынан кейін де жан-жақтан көптеген жарнамаға шақырып жатты. Расы керек, мен түбегейлі түскен жоқпын. Өйткені, Міржақып атамыздың бейнесімен мен шынымды айтсам, қаражат тапқым келген жоқ», - дейді актер Бақыт Қажыбаев.
Еске салайық, жақында «Оян қазақ» фильмін түсірген режиссер мен продюсер шетелге көшіп кеткенін жазған едік.
Бақыт Қажыбаев — театр және кино актері, мемлекеттік деңгейдегі іс-шаралардың жүргізушісі.
1983 жылы 18 қаңтарда Алматы қаласында дүниеге келді.
2002-2006 ж.ж. Темірбек Жүргенов атындағы Қазақ Ұлттық Өнер академиясының «Драма және кино актері» мамандығын профессор Нұрқанат Жақыпбайдың шәкірті боп тәмамдады.
2007 жылдан бастап Нұр-Сұлтан қаласы әкімдігі Жастар театрының актері.
2014 жылы Қазақстан Ұлттық телеарнасында «Шарайна» бағдарламасын жүргізген.
Бақыт Қажыбаевтың түскен фильмдері:
2017 — «Қағаз кеме» — Берік
2019 — «Доктор мырза» — Темірхан Әмірханұлы
2019 — «Құсайыновтар. Өмір жолы» — Мұрат
2020 — «Айнымас Айғаным» — Дастан Мадиярұлы
2020 — «Аналық сезім-2» — Қайрат
2020 — «Противостояние» — Әсет
2021 — «Ахмет. Ұлт ұстазы» — Міржақып Дулатұлы
2022 — «Міржақып. Оян қазақ!» — Міржақып Дулатұлы
2023 — «Пленники» — Олжас Тасымбеков (оперативтік қызметкер)
2023 — «Набат операциясы» — Марат Дәленов (ҰҚК қызметкері, полковник)