Бұл жөнінде “baurynasalu.film” Instagram парақшасында хабарланды
Асхат Кучинчерековтің "Бауырына салу" фильмі Оскар сыйлығының “Шетел тіліндегі ең үздік фильм” номинациясы бойынша үміткерлер қатарына енді, деп хабарлайды Qaz365.kz.
Бұл жөнінде “baurynasalu.film” Instagram парақшасында хабарланды.
“Кинода бауырына салу дәстүріне сәйкес әжесінің тәрбиесіне берілген баланың бастан кешкені баяндалады. Әжесі дүние салғаннан кейін бала биологиялық ата-анасына іздеп барады. Алайда бала үшін олар бөтен адамдар сияқты әсер қалдырады”, – делінген фильмнің қысқаша баяндамасында.
Бұл кино қазір Оскар сыйлығына ұсынылған фильмдердің ұзын тізіміне кіріп отыр. Қаңтар айында үздік 9 фильм анықталып дауыс беру жүргізіледі. “Оскар 2025 сыйлығының” жеңімпаздары алдағы жылдың наурыз айында белгілі болады.