Бүгін Алматыдағы Абай алаңында Қазақстан Конституциясының 30 жылдығына орай төрт сағаттық мерекелік концерт өтті. Шара Мемлекеттік Әнұранның шырқалуымен басталды, деп хабарлайды Qaz365.kz.
Алаңдағы кеш ерекше бірлік пен қуанышқа толы болды. Көрермендер алғашқы сәттен-ақ сахнадағы өнерпаздарға қосылып, сүйікті әндерін бірге шырқады. Әрбір өнер ду қол шапалақпен, ыстық қошеметпен қабылданды. Мыңдаған адамның даусы қосылған әндер алаңға өзгеше рух пен әсер сыйлады.
Концертке халық әртістерінен бастап, опера әншілері, домбырашылар, эстрада жұлдыздары мен би ұжымдары қатысты. Сахнада Роза Рымбаева, Тамара Асар, Жанар Айжанова, Айгүл Қосанова, Жәмила Серкебаева, Мөлдір Әуелбекова, «IL Canto» квартеті, «МузАрт Life» тобы, Әли Оқапов, Temirlan & Yernat, Зарина Алтынбаева, Төлеген Рахымбаев, Игорь Благодарный, Диана Шарапова, Асхат Тарғын және өзге де көптеген әншілер өнер көрсетті.
Сондай-ақ «ASU» фольклорлық-этнографиялық ансамблі, «Сазген сазы» этно-ансамблі және AL Jazz Symphony оркестрі жұртшылыққа ерекше көңіл-күй сыйлады. Ал «Жаңа ғасыр» театры ашық аспан астында қойған «Алматы – махаббатым» спектаклі көрермендердің ыстық ықыласына бөленді.
Кеш соңында хедлайнерлер – Yenlik пен Қайрат Нұртас көпшілікті әсем әндерімен қуантты. Жалпы мерекелік іс-шараны 10 мыңнан астам адам тамашалады.
Көрермендерге ерекше сый ретінде «Жаңа ғасыр» театры ашық аспан астында «Алматы – махаббатым» спектаклін қойып, жұртшылықтың зор ықыласына бөленді.
Кештің қорытындысында хедлайнерлер – Yenlik пен Қайрат Нұртас өнер көрсетіп, концертті түйіндеді. Жалпы мерекелік іс-шараны 10 мыңнан астам адам тамашалады.