Қазір Ұлттық музей қорында Абай Құнанбайұлына қатысты 42 жәдігер бар
Абай күнін мерекелеуге орай ҚР Мәдениет және спорт министрлігінің қолдауымен ұлы ақын пайдаланған шағын Тула самаурынын Ұлттық қорға тапсыру рәсімі өтті, деп хабарлайды Qaz365.kz.
1893 жылы жасалған, тарихи құндылығы жоғары жәдігер Абай атындағы халықаралық мәдениет пен өнерді қолдау қорының атынан ұсынылды. Бұл - Абай Құнанбайұлы бастаған қазақ зиялылары шай ішкен Семейдегі меценат Бекбай Байысовтың қонақүйінің самаурыны.
ҚР Мәдениет және спорт вице-министрі Арман Жүдебаев Абайдың қазақ мәдениеті мен руханиятына сіңірген еңбегін атап өтіп, қазақтың бас ақынына айналған ұлы тұлғаның өмірі мен шығармашылығы әлі толық зерттелмегеніне тоқталды.
Қазір Ұлттық музей қорында Абай Құнанбайұлына қатысты 42 жәдігер бар. Оның ішінде ақынның өзі пайдаланған құты, көзі тірісінде жарық көрген кітаптары, тағы басқалары бар.