Форум Н.В. Гоголь атындағы Қарағанды облыстық әмбебап ғылыми кітапханасында өтеді
Қарағандыда Алаш көсемі Әлихан Бөкейхан мұрасына арналған «АLASHTIME» форум-байқауы болады, деп хабарлайды Qaz365.kz.
Іс-шара Қарағанды облысының мәдениет, архивтер және құжаттама басқармасының қолдауымен Н.В. Гоголь атындағы Қарағанды облыстық әмбебап ғылыми кітапханасында өтеді. Алаш көсемі Әлихан Бөкейхан мұраларын насихаттау мақсатындағы форум 2023 жылдың 12-13 қазан күндері болмақ. Байқауға 18 бен 35 жас аралығындағы жастар қатыса алады.
Өтінім мен байқау жұмыстары 2023 жылдың 1 қыркүйегіне дейін olketanu@karlib.kz электронды поштасы арқылы қабылданады.
Байқау екі кезең бойынша өтеді:
Бірінші кезеңде қатысушы 2 өлең ұсынады. Ұсынылған шығармалардың біреуі Әлихан Бөкейхановтың (ұлттық, тарихи, көшбасшылық) тұлғасын ашуға арналады.
Екінші өлең – еркін тақырыпта.
Сұрыптаудан өткен шығармалар ғана екінші кезеңге өтеді.
Екінші кезеңде қазылар алқасы алдында қатысушы өз шығармаларын жатқа оқиды.
Форум-байқау барысында жастар Алаштанушы ғалымдармен рухани байланысқа түсіп, емін-еркін араласуына мүмкіндік болады.
Жеңімпаздар арнайы дипломдармен және ақшалай сыйлықтармен марапатталады.