ШҚО Білім басқармасы оқушы мен студенттің өлімін растады
Шығыс Қазақстан облысында алтыншы сынып оқушысы мен колледж студенті белгісіз жағдайда көз жұмған, деп хабарлады Qaz365.kz тілшісі YK-news.kz сайтына сілтеме жасап.
Әлеуметтік желіде Риддер қаласындағы мектепте оқитын алтыншы сынып оқушысы мен Алтай қаласындағы колледж студентінің өзіне қол салғаны туралы ақпарат тарады. Бұл ақпаратқа Шығыс Қазақстан облысы Білім басқармасы пікір білдірді.
«Кәмелет жасына толмағандардың өлімін растаймыз. Олар – студент пен алтыншы сынып оқушысы. Оқиға оқу процесі кезінде болмаған, демалыс күндері балалар үйлерінде жүрген кезде болған. Өздеріне қол салды ма, жоқ па, оны полиция анықтайды», — деді ШҚО Білім басқармасы басшысының орынбасары Алима Ақылбек.