Оның 70%-ға жуығы қазақ тілінде білім алады
Қазақстанда бірінші сыныпқа баратын 382 мыңға жуық оқушы үшін алғашқы қоңырау соғылды, деп хабарлайды Qaz365.kz.
Жаңа оқу жылы қарсаңында ҚР Білім министрлігінің баспасөз қызметі бірінші сыныпқа баратындар мен түлектер санымен бөлісті.
2023 жылы 382 мыңға жуық бала алғаш рет мектеп табалдырығын аттаса, оның 70 пайызға жуығы мемлекеттік тілде білім алады. Қазақ тілінде оқыту жөнінен ең жоғары пайыз Шымкент, Түркістан және Алматы облыстарында тіркелді.
Сондай-ақ, биылғы оқу жылын 188 900 бітіруші түлек бастап жатыр. Бұл өзге жылдарға қарағанда ең жоғарғы көрсеткіш. Жалпы, мектептер 2023-2024 оқу жылын 3,9 миллионға жуық оқушы бастады.