Ведомство мәліметінше, өңірдегі жағдай тұрақты.
Батыс Қазақстан облысы сұйытылған мұнай газымен толық қамтамасыз етілген. Бұл туралы Энергетика министрлігі мәлімдеп, газ тапшылығы жөніндегі қауесеттерді жоққа шығарды. Хабарлама 2025 жылғы 21 тамызда облыс әкімдігінің ресми сайтында жарияланды, деп жазады Qaz365.kz.
Ведомствоның мәліметінше, өңірдегі жағдай тұрақты.
Аймақ қажетті көлемдегі газды толық алып отыр, ал бөлінген көлем ресми сұраныстан асып түседі, – делінген министрлік хабарламасында.
Министрліктің ақпаратына сәйкес, тамыз айында облыстың айлық қажеттілігі 4 500 тоннаны құраған, алайда өңірге 5 767 тонна бөлінген. Бұл ресми сұраныстан 21%-ға артық. Ұқсас жағдай жыл басынан бері қайталанып келеді: соңғы жеті айда жеткізілім көлемі орта есеппен 14%-ға жоғары болған.
Ал жекелеген газ құю станцияларындағы кезектер шағын АГЗС жұмысының ерекшеліктеріне байланысты туындап отыр. Облыстағы 110 станцияның 39-ы шағын көлемде (айына 20 тоннадан аз) газ алады. Әдетте олар өздеріне бөлінген көлемді алғашқы он күнде толық сатып, кейін жаңа партия келгенге дейін уақытша жұмысын тоқтатады.
Осыған байланысты сұраныс ірі желілік станцияларға ауысады. Дегенмен, олар толықтай қамтамасыз етілген және қалыпты режимде жұмысын жалғастырып жатыр.