Президент Премьер-министрге апта соңына дейін уақыт берді
Бұл жөнінде Мемлекет басшысының баспасөз хатшысы Руслан Желдібай мәлімдеді.
Президент Қасым-Жомарт Тоқаев Премьер-министр Олжас Бектеновке осы аптаның соңына дейін экономикалық реформалар бағдарламасын жүзеге асыру тетіктерін қайта қарап, оны азаматтардың қажеттілігі мен мүддесін ескере отырып жетілдіруді тапсырды.
Мемлекет басшысы шағын және орта бизнесті қолдау, инвестициялық климатты жақсарту және ел экономикасының тұрақтылығын қамтамасыз ету бағытында нақты түзетулер енгізіп, пәрменді шаралар қабылдауды міндеттеді.
Президенттің айтуынша, Үкімет жүргізіп отырған экономикалық саясаттың басты бағыттары елдің стратегиялық мақсаттарымен үйлеседі, сондай-ақ онда әлемдік экономикалық ахуал мен қазіргі нарықтың үрдістері назарға алынған.