Министр күнбағыс майы және сүт пен еттің әлем бойынша қымбаттап кеткенін мысал етті
Қазақстандықтар супермаркеттегі қымбаттаған бағаларға шағымданып, бұл мәселе Үкіметтің құлағына жетті. Премьер-министрдің орынбасары әрі Ұлттық экономика министрі Серік Жұманғарин журналистердің азық-түлік бағасы туралы сұрақтарына жауап берді, деп хабарлайды Qaz365.kz.
Баспасөз мәслихаты кезінде журналист өзі сақтаған өткен жылғы түбіртектерді көрсетіп, азық-түлік бағасының күрт қымбаттағанын айтты. Ол биліктің бағаны бір қалыпта ұстап тұрамыз деген уәделерін еске салды.
Бұл оқиға қызық басталды. Журналист лотереяға қатысу үшін түбіртек жинайтынын айтқанда вице-премьер «сонда бірдеңе ұтып алдың ба?» деп сұрады. Журналист ештеңе ұтпағанын айтқанда, Серік Жұманғарин инфляцияның макроэкономикалық себептерін егжей-тегжейіне дейін түсіндіре бастады. Оның айтуынша, мәселені тек салық реформаларымен байланыстыру дұрыс емес.
«Азық-түліктің қымбаттауын тек ҚҚС-қа артуымен байланыстыруға болмайды. Біз білесіздер, барлық өнімдерді өзіміз өндіріп, қамтамасыз ете алмаймыз. Әлеуметтік маңызды тауарларға сұранысты біз шамамен 70–90 пайызға дейін жабамыз. Ал әлеуметтік емес тауарларды сатып алатын адамдар әлемде азық-түлік бағасының өсуін түсінуі керек», – деді министр.
Әлемдік бағалар жоғары болғандықтан, Қазақстандық өнім шетелде сұранысқа ие болады, ал фермерлер тауарын экспортқа шығаруды тиімді деп есептейді. Мемлекет олардан ішкі нарыққа өнім сатуды сұрағанда, өндірушілер ел ішіндегі бағаларды арттыруға мәжбүр болады, себебі экспорттан түспеген пайданы өтеу керек.
Премьер-министр орынбасары бизнеске шектеу қою мүмкін еместігін атап өтті. Оның сөзіншк, егер аграрлық сала табыс әкелмейтін болса, кәсіпкерлердің қызығушылығы төмендеп, мал шаруашылығын дамыту бойынша ірі мемлекеттік бағдарламалар бюджеттің миллиардтарын босқа жұмсай бастайды. Жұманғарин азық-түлік бағасының өсуінің тағы бір себебі көршілес елдерге тәуелділіктен екенін атты:
«Қаңтар айының қорытындысы бойынша Қазақстандағы азық-түлік инфляциясы 0,8 пайыз болса, Ресейде – 2 пайыз болды. Біз өнімнің басым бөлігін Ресейден аламыз. Сол себепті импорт инфляциясы әсер етеді. Сондықтан барлық кінәні ҚҚС-ты 4 пайызға көтергеннен көре берген дұрыс емес. Бұл көп факторлы процесс, әр жағдайды жеке қарау қажет», – деді министр.
Серік Жұманғарин қымбат бағаны шешудің бірден-бір жолы – өз өндірісін дамыту және ішкі нарықты отандық өніммен толық қамтамасыз ету екенін айтты. Министрдің бағалауынша, үкімет осы бағытта табысты жұмыс істеп келеді.