Қала көшелерін қардан тазартуға 2000-нан астам жол жұмысшысы мен 750-ге жуық арнайы техника жұмылдырылды
Астанада бүгінгі ауа-райының қолайсыздығына байланысты II ауысымның 0-9 сынып оқушылары қашықтан оқыту форматына ауыстырылды, деп хабарлайды Qaz365.kz.
“«Қазгидромет» РМК мәліметінше, бүгін Астанада қар жауып, көктайғақ, боран болады, кейде 30 м/с дейін жел соғады. Елордада коммуналдық қызметтер күшейтілген режимде жұмыс істеп жатыр. Қала көшелерін қардан тазартуға 2000-нан астам жол жұмысшысы мен 750-ге жуық арнайы техника жұмылдырылды”, – делінген Астана қаласы ікімдігінің хабарламасында.
Әкімдік тұрғындар мен қала қонақтарына жолда абай болуды, қауіпсіздік ережелерін сақтауды, ескерту болған жағдайда алыс сапарлардан бас тарту керектігін хабарлады.