Оның көлігінен шамамен 12 кг болатын ақ ұнтақ заттың 18 пакеті табылған
Қарағанды облысында Қарулы Күштер дивизионының бөлімше командирі есірткімен ұсталды, деп хабарлайды Qaz365.kz.
“Geely Coolary” көлігінің жүргізушісі, 31 жастағы азамат, тіркеу нөмірлерінсіз жол ережесін бұзған. Оның Сарыөзек әскери гарнизоны дивизионының бөлімше командирі екені айтылып жатыр.
“Балқаш-Сарышаған жолын патрульдеу кезінде полицейлер жол қозғалысы ережелерін бұзған көлікті тоқтатқан.Тәртіп сақшылары көлікті тексергенде, жалпы салмағы шамамен 12 кг болатын ақ ұнтақ заттың 18 пакетін тапты”, – деді өңірдің ПД баспасөз қызметі хабарламасында.
Жүргізуші ұсталып, қылмыстық іс қозғалды.