Ұйым тағайындалған сәттен бастап Перизат Қайрат бірде-бір ресми отырыс өткізбеген
Перизат Қайрат Пара-үстел теннисі федерациясының президенті қызметінен босатылды, деп хабарлайды Qaz365.kz.
"Перизат Қайрат ұсталуына және тергеу жүргізілуіне байланысты ұйымның президенті болып табылмайды. Шешім 14 қарашада федерацияның кезектен тыс жиналысында қабылданды", – делінген Пара-үстел теннисі федерациясы хабарламасында.
Ұйым тағайындалған сәттен бастап Перизат Қайрат бірде-бір ресми отырыс өткізбегенін және бірде-бір жұмыс бұйрығын бермегенін атап өтті.
Осыған дейін 14 қарашада “BizBirgemiz Qazaqstan” қайырымдылық қорының басшысы Перизат Қайраттың 1,5 млрд теңге ұрлады деп күдікке ілініп, ұсталғаны туралы жазған болатынбыз. Ол көктемгі су тасқынынан зардап шеккен азаматтарға көмектесу үшін ақша жинады. Бірақ тергеу мәліметтері бойынша, ол қайырымдылықтың негізгі бөлігін жылжымайтын мүлік пен сәнді заттарды сатып алу үшін пайдаланған.