Полиция 50 жастағы ер адамды қамауға алды
Полиция Қарағанды облысының Саран қаласында дүкен сатушысына шабуыл жасаған 50 жастағы ер адамды ұстады, деп хабарлайды Qaz365.kz.
Бұл туралы Қарағанды облысы ПД баспасөз қызметі мәлімдеді.
22 қаңтарда белгісіз ер адам Сарандағы азық-түлік дүкенінің сатушысына пышақпен шабуыл жасап, кейін қашып кеткен. Әйел алған жарақаттарынан қайтыс болған болатын.
"Саран қаласының 27 жастағы тұрғынын өлтіру фактісі бойынша жүргізілген жедел іс-шаралардың нәтижесінде күдікті ұсталды. Қарағанды облысы ПД тергеу тобы 50 жастағы ер адамды қамауға алды. Тергеу шаралары жалғасуда", – деп хабарлады Қарағанды облысы ПД баспасөз қызметі.
Бұған дейін Қарағанды облысының ПД баспасөз қызметінде Саран қаласының 27 жастағы тұрғынының денесін зорлықпен өлім белгілерімен табу фактісі бойынша қылмыстық іс қозғалғаны хабарлаған болатынбыз.