Қаңтар оқиғасына қатысты айыпталған Қайрат Құдайбергенге сот үкімі шықты

Nur-Altay Umirzak

Қаңтар оқиғасы туралы іс бойынша барлығы 45 айыпталушының соты өтті

Сурет: instagram.com/kudaibergen_kairat

Қайрат Құдайберген қаңтар оқиғасы бойынша сегіз жылға бас бостандығынан айырылды,  деп хабарлайды Qaz365.kz.

Іс Алматы қаласының мамандандырылған ауданаралық әкімшілік сотында қаралды.

Сот Алматы мәслихатының бұрынғы депутаты Қайрат Құдайбергенді жаппай тәртіпсіздіктерді ұйымдастырғаны және оған қатысқаны үшін кінәлі деп таныды. Сонымен қатар, оған журналистік қызметпен айналысуға тыйым салынды.

Тергеу барысында Құдайберген Арман Жұмағелдиевпен (Дикий Арман) бірге Алматыдағы "Қазақстан" қонақ үйінде адамдарды жинағаны анықталды. Онда ол Жұмағелдиевтің бастамасына бірігіп, оны қолдауға және билікке бірыңғай талаптар қоюға шақырған.

Қаңтар оқиғасы туралы іс бойынша барлығы 45 айыпталушы, жәбірленушілер жағында — 24 адам арызы қаралған. Сот процестері мемлекеттік құпияның болуына және зардап шеккендердің қауіпсіздігін қамтамасыз етуге байланысты жабық режимде жүргізілді. Үкім бүгін, 27 қаңтарда №72 тергеу изоляторынан таратылып, шығарылған.

Бұдан өзге Қаңтар оқиғасына қатысты айыпталған ҰҚК-нің бұрынғы басшысы Руслан Искаков пен Арман Жұмагелдиевке (Дикий Арман) де қатысты сот үкімі шықты.