Қызылорда облысында 17 жастағы жасөспірім тоғызыншы сынып оқушысын өлтірді деген күдікке ілінді, деп хабарлайды Qaz365.kz.
Облыстық полиция департаментінің баспасөз қызметі кәмелетке толмаған баланың қаза тапқаны туралы ақпаратты растады. Оқиға фактісі бойынша сотқа дейінгі тергеу басталды.
«Қазіргі уақытта қажетті тергеу әрекеттері жүргізілуде, оның ішінде полиция барлық материалдарды зерделеуде. Күдікті уақытша ұстау изоляторына қамалды. Осы қылмысқа қатысы бар тағы екі адамға қатысты бұзақылық жасағаны үшін қылмыстық іс қозғалып, сот оларға қатысты үйқамаққа алу түріндегі бұлтартпау шарасын таңдады», – делінген хабарламада.
Полиция облыстық білім басқармасына ресми хабарлама жіберген. Ал ювеналды полиция қызметкерлері оқушылар арасындағы осындай оқиғалардың алдын алу үшін профилактикалық жұмыстарды күшейтетінін хабарлады.