Полиция 30 жастағы күдіктіні іздеп жатыр
Алматы облысында сот залынан қашып кеткен аса қауіпті күдікті әлі табылған жоқ. Бұл туралы бүгін Ішкі істер министрінің орынбасары Игорь Лепеха айтты, деп хабарлайды Qaz365.kz.
«Иә, кеше Қаскелең сотынан қашып кетті. Біздің орган қызметкерлерінің өз ісіне аса жауапты қарамау фактісі бойынша қылмыстық іс қозғалды. Күлдікті әлі табылған жоқ. Табамыз», - деді Игорь Лепеха.
Айта кетейік, кеше Қаскелеңде адам зорлау фактісі бойынша ұсталған М. есімді 30 жастағы күдікті аудандық сот залына келгенде қашып кеткен. Полиция Алматы облысы бойынша дабыл қағып, оны іздеп жатыр.