Полиция мәлімет берді
Бүгін, 2025 жылдың 3 сәуірінде Байзақов көшесінде кроссовер жүргізушісі қағып кетті. Салдарынан жеті жасар бала сол жерде алған жарақаттарынан қайтыс болды, деп хабарлайды Qaz365.kz.
Куәгерлердің айтуынша, Jetour жүргізушісі Байзақов көшесінің бойымен солтүстік бағытта келе жатқан. Қарасай батыр мен Бөгенбай батыр көшелерінің арасында жүргізуші күтпеген жерден жолға шығып кеткен баланы қағып кеткен.
«Жол-көлік оқиғасы сағат 15:30-да Алмалы ауданында орын алды. Jetour көлігінің жүргізушісі Байзақов көшесімен солтүстік бағытта, Бөгенбай батыр көшесінің оңтүстігінде жүре отырып, жол бөлігін шығысқа қарай белгіленбеген жерде кесіп өткен 7 жасар баланы қағып кетті. Өкінішке орай, бала алған жарақаттарынан оқиға орнында қайтыс болды", - деп хабарлады Алматы қалалық полиция департаментінің баспасөз қызметінде.
Соққының салдарынан жаяу жүргінші қарсы бағытта келе жатқан Hyundai көлігінің үстіне құлаған.
Адам өліміне әкеп соққан жол-көлік оқиға фактісі бойынша (ҚР ҚК 345-бабы 3-бөлігі) Алматы қалалық ІІД Тергеу басқармасы қылмыстық іс қозғады.