Сот жеке қаулы шығаруды қажет деп санайды.
Кеше әлеуметтік желілерде сот процесіне қатысы бар делінген беймәлім тұлғалардың екіұшты әңгімені қамтитын бейнежазба таралды. Аталған жайт қоғамда қызу пікірталас тудырды, деп хабарлайды qaz365.kz.
Осыған байланысты сот тарапынан бейнематериалға қатысты жеке қаулы шығарылатыны хабарланды.
Сот мәліметінше, аталған видеодағы ақпараттың мазмұны мен диалогқа қатысушылардың тұлғасы нақты анықталмаған. Осыған орай, прокурорға бейнематериалдың шынайылығын тексеріп, видеодағы адамдардың кім екенін анықтап, заң шеңберінде тиісті шаралар қабылдау тапсырылды.
Сонымен қатар сот Қазақстан Республикасының Конституциясына сәйкес, іс бойынша түпкілікті шешімді тек сот қана қабылдайтынын ескертті.
Ресми органдар тарапынан кез келген жорамал мен арандатушылыққа жол берілмейтіні қатаң түрде ескертілді.