Түркістан облысының Жетісай ауданындағы өрттен бір отбасының бес баласы қаза тапты. Бұл туралы жергілікті билік мәлімдеді, деп хабарлайды Qaz365.kz.
Жергілікті билік мәліметінше, қаза тапқан балалар 2009, 2010, 2012, 2015, 2017, 2019 және 2021 жылдары туған. Ең кішісі 2024 жылы дүниеге келген. Бір отбасының бес баласы қаза тапқан: үш қыз, екі ұл.
Сонымен қатар, үйде болған екінші отбасының 2018 жылы туған бір қызы аман қалған.
Алдын ала деректер бойынша, өрт таңғы уақытта Алғабас ауылындағы екі қабатты тұрғын үйде шыққан. Үйде сол түні екі отбасы түнеп жатқан. Жалын жылдам таралып, ғимараттың шатыры опырылып түскен.
Құтқарушылар үйден 12 адамның мәйітін тапқан, олардың тоғызы – бала. Тағы үш адам ауыр халде ауруханаға жеткізілді.
Қазір өрттің нақты себебі анықталып жатыр. Оқиға орнында құтқарушылар, полицейлер және төтенше жағдайлар қызметі жұмыс істеуде.
Президент Қасым-Жомарт Тоқаев қаза болғандардың туыстарына көңіл айтып, Үкімет пен облыс әкімдігіне жәбірленушілерге барынша көмек көрсетуді және оқиғаның себептерін мұқият зерттеуді тапсырды.