Құтқарушылар өрт кезінде көршілес сауда нүктелерін аман сақтап қалды
Солтүстік Қазақстан облысының Булаево қаласындағы базар өртенді, деп хабарлайды Qaz365.kz.
Оқиға орнына дереу жеткен құтқарушылар өрт кезінде сауда нүктелерін аман сақтап қалды.
“Солтүстік Қазақстан облысы Мағжан Жұмабаев ауданының Булаево қаласында, Мұқанов көшесінде орналасқан азық-түлік дүкенінде өрт шықты. Алдын ала мәлімет бойынша, өрт жылыту пешін пайдалану кезінде өрт қауіпсіздігі талаптарының бұзылуынан болған”, – делінген ТЖМ баспасөз қызметінің хабарламасында.
Белгілі болғанындай, өрт бір шатырдың астында орналасқан көршілес сауда нүктелеріне қауіп төндіріп, жағдай жедел әрі үйлесімді әрекеттерді талап етті.
Өрт сөндірушілердің жедел жұмысының арқасында өрт сөндіріліп, оттың таралуына жол берілмей, көршілес бутиктер қызыл жалыннан аман қалды.
Мамандар пешпен жылыту кезінде өрт қауіпсіздігі қағидаларын сақтаудың аса маңызды екенін ескертеді.