Қоғамдық тәртіпті бұзғандар жауапқа тартылады
Астана әкімі Жеңіс Қасымбек Тәжікстанның ЭКСПО көрмесіндегі оқиғадан кейін Facebook парақшасында пікір білдірді, деп хабарлайды Qaz365.kz.
"Жәрмеңкеде 1000 тоннадан астам өнім сатылды. Дегенмен өкініштісі, жәрмеңке мүлкіне зиян келіп, кейбір азаматтар шатырларды, сөрелерді, декорацияларды сындырды. Қоғамдық тәртіп те бұзылды. Бұл – мәдениеттің төменділігінің, адам еңбегін құрметтемеудің белгісі. Кейбір адамдардың орынсыз әрекетіне байланысты Астана қаласының барлық тұрғынына сөз тиді", - дейді қала әкімі.
Сондай-ақ, қоғамдық тәртіпті бұзған адамдарды анықтау жұмысы тапсырылып, құқық бұзушылар жауапқа тартылатынын атап өтті.
Бұған дейін Астана әкімдігінің өкілі адамдардың әрекетінен еш кемшілік көрмегенін, Тәжікстаннан келген қонақтардың өздері тауарларын тегін таратқанымен түсіндірген еді.