Қазіргі таңда құзырлы органдар тергеуді бастады
Шымкентте оқушы дене шынықтыру сабағында қайтыс болды, деп хабарлайды Qaz365.kz.
Оқиға 11 қаңтар сағат 11:00-де болған.
«№48 жалпы орта мектебінде дене шынықтыру сабағы кезінде 2010 жылы туған 8 «А» сынып оқушысы есінен танып құлаған. Мектеп медбикесі спорт залға жылдам жетіп, алғашқы көмек көрсетіп, жедел жәрдем шақырған», – делінген қалалық білім басқармасының хабарламасында.
Шақыруға келген жедел жәрдем қызметкерлері екінші арнайы шұғыл жәрдем шақырған. Алайда ол келгенше баланың жүрегі тоқтап, қайтыс болған. Қазіргі таңда құзырлы органдар тергеуді бастады.
Оқушының әкесі жеке жүргізуші, анасы колледжде мұғалім. Отбасында 1 қыз, 2 ұл бар. Марқұм оқушы үйдің ортаншы баласы.