Ол өзін Бишімбаевтан бөлек отырғызуды сұрады
Ауыр қылмысты жасырғаны үшін жауапқа тартылған Бақытжан Байжанов экс-министрдің қысым жасап жатқанын айтты, деп хабарлайды Qaz365.kz.
Сотта Бишімбаев пен Байжанов бір жерде отырады. Бүгін кезекті үзілістен кейін Байжанов экс-министрдің қысым жасап жатқанын айтты.
«Ол маған былай айт, былай айт деп, қысым жасап жатыр», - деді Байжанов.
Осыған байланысты Бишімбаевтан бөлек отырғызуды сұрады.
Ал экс-министр тек «құжаттарды қайтаруды талап етіп отырғанын» жеткізді.
Айта кетейік, Байжанов Қылмыстық кодекстің 432-бабы (аса ауыр қылмысты жасырып қалу) және 434-бабы (аса ауыр қылмыс туралы хабарламау) бойынша айыпталып отыр.