Жергілікті тұрғындар екі адамды іздеп жатыр
Атырау облысы Жылыой ауданына қарасты Құлсары қаласында судан ер адамның мәйіті табылды. Бұдан бөлек, құтқарушылар енді әкесі мен баласын іздеп жатыр, деп хабарлайды Qaz365.kz.
Атырау облысы төтенше жағдайлар департаментінің хабарлауынша, бүгін, 9 сәуірде сағат 12:27 шамасында дүкендердің бірінің жанынан ер адамның мәйіті табылған. Мәйіттің кімдікі екені әзірге белгісіз.
«Мәйіт полицияға тапсырылды», - деп хабарлады ТЖД.
Сонымен қатар құтқарушылар ер адам мен оның ұлын үш күннен бері іздеп жатыр. Олар 6 сәуірде су басқан үйлерін қарауға шығып кеткен, бірақ туыстарына оралмаған. Кейін олар мінген көлік табылды.
«Біз әлі іздеп жатырмыз, бірақ бүгінгі мәйіт ер адамға да, оның ұлына да тиесілі емес», - деп хабарлады Төтенше жағдайлар департаменті.
Еске сала кетейік, 7 сәуір күні сағат 11.00-де құтқарушылар екі ер адамның мәйітін тапқан болатын. Олардың тракторы аударылып, ер адамдар қаза тапқан.
Құлсары қаласындағы жергілікті әлеуметтік желілердің бірінде жоғалған екі кісіні қайықпен іздеген бір топ адамның видеосы жарияланған еді. Бүгін жоғалғандардың туысы әскерилер барып, жылап жатқан видеосы тараған.