Өндірістік материалдар сотқа жіберіледі
Алматыда полицияның патрульдік көлігі мопед жүргізушісін соғып кетті, деп хабарлайды Qaz365.kz.
Видеода патруль көлігі солға бұрылып, маневр жасау кезінде автобус жолағында келе жатқан мопедистті қағып кеткен.
Полиция департаменті бұл жол-көлік оқиғасы Алматының Жетісу ауданында болғанын хабарлады.
"Патрульдік полиция экипажы шұғыл шақыруға бара жатқанда, қатаң түрде белгіленген ережелерге сәйкес бұрылу маневрін жасады. Бұл ретте жарық-сигналды қондырығысы қосылған. Жол қозғалысына қатысушылар полиция көлігіне басымдық берді. Алайда, қоғамдық көлікке арналған жолақпен жүріп келе жатқан мопед жүргізушісі Заңның талаптарын елемей, патрульдік машинамен соқтығысуға жол берді. Ол медициналық көмектен бас тартты", - деді полицияда.
Жол-көлік оқиғасы дерегі тіркелді. Chevrolet патрульдік көлігінің жүргізушісі жауапкершілікке тартылды. Өндірістік материалдар сотқа жіберіледі.