Осыған қатысты Жетісу облыстық полициясы жауап берді
Жетісу облысы, Панфилов ауданына қарасты Головацкий ауылындағы Жаскент балабақшасында тәрбиеші балаларды аяусыз ұрған видеосы тарады, деп хабарлайды Qaz365.kz.
Әлеуметтік желіде тараған видеодағы жазбада тыныш отырған балаларын ұрғанын көрген аналар шетінен құлады деп жазған.
Осыған қатысты Жетісу облыстық полициясы жауап берді.
«Бұл дерек бойынша сотқа дейін тергеу басталды. Сот-медициналық сараптамасы тағайындалды. Аталған іс облыстық полиция департаментінің бақылауында», - делінген хабарламада.
Сондай-ақ аудан әкімдігі де тілшімізге жауап берді.
«Головацкий ауылындағы балабақшада болған жағдайға байланысты аталған мекеме қызметтік тексеріске орай 10 күнге жұмысын уақытша тоқтатты. Балабақшада істейтін тәрбиешілер А және Г жұмыстан шығарылды. Қазіргі таңда полиция департаменті сотқа дейінгі тергеуді бастап, сот-сараптамалар тағайындалды. Аталған іс полиция департаменттінің бақылауында», - делінген аудан әкімдігінің баспасөз қызметінің жауабында.