Құтқарушылар шақырудың жоғары рангы бойынша жұмыс істеуде
Астана қаласы Төтенше жағдайлар департаменті өрт сөндіру бөлімшелері шақырудың жоғары рангы бойынша Тұран 37/9 мекенжайына шыққанын мәлімдеді, деп хабарлайды Qaz365.kz..
Құтқарушылар келіп жеткенде, тұрғын үй кешенінің 26-қабатында сыртқы жабын өртеніп жатқанын анықтаған.
“Нақтыланған мәлімет бойынша, ғимараттың сыртқы қаптамасы жанып жатыр. Оқиға орнында өрт сөндірушілер 3 ранг бойынша жұмыс істеуде. 16 бірлік техника мен 72 адам жұмылдырылған. Ғимаратта әкімшілік және ішінара тұрғын үй кешені орналасқан. Оқиға орнында штаб құрылды. Эвакуациялау жүргізілуде. ТЖМ құтқарушылары 8 адамды, оның ішінде 1 баланы эвакуациялады. Зардап шеккендер туралы ақпарат түскен жоқ”, – деп хабарлады ТЖМ баспасөз қызметі.