Тұрғын автосалоннан көлік алғаннан кейін сотқа жүгінуге мәжбүр болды
БҚО азаматы ұрланған машинаны сатып алғанын кездейсоқ білген. Ол сатып алу-сату шартын бұзуды, шығындарды ескере отырып, ЖШС-тен автокөліктің құнын өндіріп алуды, сондай-ақ оған моральдық зиянды өтеуді талап етті, деп хабарлайды Qaz365.kz "Мой город" басылымына сілтеме жасап.
Ер адам салоннан алған көлігінің қарызын ішінара жауып төлеп алған. Алайда шарт жасалғаннан кейін автомобиль халықаралық іздеуде екені және оған шектеу қойылғаны белгілі болды.
– Осыған қарамастан, №2 қалалық сот оның талабын қанағаттандырудан бас тартты. Бұл мәміле жасалған кезде машинаны есепке алу жағынан ешқандай шектеу болмаған. Сонымен қатар, құқық қорғау органдары оның қылмыстық іс бойынша жәбірленушіден ұрланғанын анықтаған жоқ, - деп жазады басылым.