Биыл 4 қаңтарда Павлодар облысы Майқайың ауылындағы «Майқайың алтын» кенішінде құтқарушылар мінген автобус шұңқырға құлаған болатын
Павлодар облысының полиция департаменті 2024 жылғы қаңтар айының басында «Майқайың алтыны» кенішінде болған төтенше жағдайды тергеу жалғасып жатқанын мәлім етті, деп хабарлайды Qaz365.kz.
«Тау-кен және құрылыс жұмыстары кезінде қауіпсіздік ережелерін бұзу фактісі бойынша қылмыстық істі тергеу үшін «Майқайыңалтын» АҚ-ның алты жауапты қызметкері ұсталып, қамауға алынды. Тергеу жалғасып жатыр», – деді Павлодар облысы ПД баспасөз қызметі.
Айта кетейік, биыл 4 қаңтарда Павлодар облысы Майқайың ауылындағы «Майқайың алтын» кенішінде құтқарушылар мінген автобус шұңқырға құлаған болатын. Басында Бердіқан Сарқыт пен Олег Тышкевичтің денесі өлі күйінде табылды. Кейін шілде айында Айып Төлепбергенов пен Айдос Шәймерденнің денесі табылды.