Қаза болғандардың арасында үш жасар бала болған
Петропавлда жеке тұрғын үй өртеніп, үш адам тірідей жанып кеті, деп хабарлайды Qaz365.kz.
«Қайғылы оқиға Петропавлдағы Жұмысшы кентінде қазанның 5-нен 6-на қараған түні сағат 03:16-да болған. Өрт ескі «жазғы үйде» басталған. Кейін тілсіз жау жақын орналасқан тағы бір баспана мен көрші үйдің қорасына ауысқан», - делінген ТЖД хабарламасында.
Тілсіз жау 84 шаршы метр аумақты шарпып өткен. Қазір өрттің себебі мен келтірілген залал көлемі анықталып жатыр.
«Қызыл жалынмен 20 адам күрескен. Тағы алты техника жұмылдырылды. Өрт 04:12-де оқшауланып, 05:29-да толығымен сөндірілді. Отты сөндіру барысында 2021 жылы туған қыз баланың, 1979 жылы туған ер адамның және 1985 жылы туған әйел адамның мәйіттері табылды», – деп хабарлады Төтенше жағдайлар департаменті.