Аудан әкімдігі тілшіге жауап берді
Марқұм Шерзаттың әкесіне үй салып береді. Бұл туралы Еңбекшіқазақ ауданының баспасөз қызметі Qaz365.kz тілшісіне хабарлады.
Талғарда қаскөйлердің қолынан қаза тапқан 16 жастағы Шерзат Болаттың өртенген үйін қалпына келтіру мәселесі бойынша Еңбекшіқазақ ауданының баспасөз хатшысы Динара Тюлемисовамен тілдестік.
«Шерзаттың әкесі қалай айтса, солай болады. Үйді жаңадан салып бер десе, салып береді. Қазір өртенген жерде тергеу, өрттің себебін анықтау, жинау жұмыстары жүріп жатыр. Сараптама нәтижесі шыққаннан кейін міндетті түрде қолдау көрсетіледі. Ол кісі өзі өрт болған күні «үй керек емес» деді. Алдағы уақытта қалай айтса, солай істеп береді. Оны үй иесі Қаржау Нұрымовпен бірлесіп шешеміз. Құрылыс жұмыстары аудандағы кәсіпкерлер мен меценаттардың көмегімен жүзеге асырылады» – дейді баспасөз хатшы.