Оқиға теңіздегі қатты дауылдан кейін болған
Маңғыстау облысыТүпқараған ауданындағы Баутино елді мекенінде теңізде болған қатты дауылдан кейін жағаға жүздеген Қызыл кітапқа енген итбалықтардың өлекселері шығарылды, деп хабарлайды Qaz365.kz.
Қазіргі уақытта ғалымдар тек 151 бірлік итбалық қаңқасын санап анықтап отыр. Олардың айтуынша, өлген итбалықтар одан да көп болуы мүмкін. Бұл туралы блогер Азамат Сәрсенбаев Instagram-дағы парақшасында хабарлады.
"Ғалымдардың айтуы бойынша қазір осы аймақтағы итбалықтарды зерттеумен айналысатындар (олар жануарлардың өлекселерін тапты) өлген итбалықтардың көпшілігінің денелерінде механикалық зақым бар екенін анықтаған", – деді блогер.
Жануарлардың жаппай қырылуына не себеп болғаны әлі белгісіз. Ғалымдар тіршілік иелерінің нақты неден өлгенін зерттеп жатыр.