Сәбидің басындағы ісіктің көлемі 5,6× 4,2 см болған
Астаналық дәрігерлер үш айлық баланың миынан үлкен көлемдегі ісікті алды, деп хабарлайды Qaz365.kz.
Бұл туралы Астанадағы Ұлттық нейрохирургия орталығының баспасөз қызметі мәлімдеді.
“Дәрігерлер ең күрделі отаның бірін сәтті жүргізді, олар 3 айлық қыздан ірі көлемдегі ми ісігін алып тастады. Сәбидің анасы Айбаттың айтуынша, қыз уақытында туып, қалыпты дамыған. Алайда екі айлығында жиі құсу, ембеу, терісі көгеруі және қатты мазасыздық сияқты белгілер байқалған. МРТ мидың маңызды бөлігінде орналасқан, 5,6× 4,2 см көлеміндегі ісікті көрсеткен. Ісік баланың миының жартысына жуығын алып жатқан, қан жоғалту қаупі өте жоғары болған. Дегенмен командалық жұмыстың, заманауи әдістерді қолданудың арқасында ота сәтті өтті” – дейді орталық дәрігерлері.
Қазіргі таңда ота жасалған баланың жағдайы жақсы, тұрақты.