Қалың тұман салдарынан жолдан адасып кеткен.
Қостанай облысында із-түзсіз жоғалып кеткен малшы табылды, деп хабарлайды Qaz365.kz.
Төтенше жағдайлар департаментінің мәліметінше, алдыңғы түні 1996 жылы туған ер адам Жангелді ауданындағы Қөлқұдық қыстағынан мотоциклмен шығып, қалың тұман салдарынан жолдан адасып кеткен.
– Оны іздеуге құтқарушылар, полиция қызметкерлері және жергілікті атқарушы органдардың өкілдері шықты. Ауа-райының қолайсыздығына қарамастан жоғалған адамды Торғай ауылынан 6 шақырым жерден тапты, – делінген хабарламада.
ТЖМ тұрғындарға өздерінің қайда баратынын жақындарына хабарлап отыру керектігін және әрқашан өздерімен байланыс құралдарын алып жүру керек екенін ескертті.