ТЖМ қараңғы уақытта алыс жолға шықпауға, жаяу жүрмеуге шақырып отыр
Қар мен боранға байланысты Ұлытау, Қостанай, Жамбыл, Түркістан өңірлерінде республикалық, облыстық маңызы бар жолдар жабылды, деп хабарлайды Qaz365.kz.
Бұл туралы деп хабарлайды “ҚазАвтоЖол” мәлімдеп отыр.
“Жамбыл облысында боран мен көктайғақ салдарынан Тараз қаласынан Түркістан облысына және Алматы облысына баратын жол жабылып, 1050-ге жуық көлік тоқтап қалған. Оның 580-і – жүк көлігі, 465-і – жеңіл көлік. Полицейлер қар құрсауында қалған 10-нан аса көлікті құтқарды. Қазір бағыттағы көліктер Қордай асуы арқылы жүріп жатыр”, – делінген Облыстық полиция департаментінің хабарламасында.
Төтенше жағдайлар министрлігі ескерту жарияланса, қараңғы уақытта алыс жолға шықпауға, жаяу жүрмеуге шақырып отыр.