Бұл карталар арқылы айналымның жалпы сомасы 24 миллиард теңгеге жеткен
Қазақстанда айналымы 24 млрд теңгені құрайтын 6,2 мың «дроп-карта» анықталды, деп хабарлайды Qaz365.kz.
Бұл туралы Қаржылық мониторинг агенттігі мәлімдеді.
“Қаржылық мониторинг агенттігі қылмыстық кірісті заңдастыру мақсатында 6,2 мың «дроп-карта» пайдаланылғанын анықтады. Бұл карталар арқылы айналымның жалпы сомасы 24 миллиард теңгеге жетті. Алаяқтар интернет-банкингке қашықтан қол жеткізу мақсатында үшінші тұлғаларға тіркелген байланыс операторларының SIM карталарын пайдаланған. Көбінесе «дроп-карта» есірткі саудасы, кибералаяқтық, заңсыз құмар ойындар және басқа да қылмыстық әрекеттерге байланысты схемаларда қолданылған. Мұндай карта иелерінің 90%-дан астамы резидент емес”, – делінген агенттік ақпаратында.
Дроптар дегеніміз – бұл банктік карта мен шотты рәсімдеу үшін қолданылатын жалған тұлғалар.