Марқұмның жаназасы ертең, қаңтардың 11-інде Diyanet Center of America мешітінде шығарылады
Жазушы Мұхтар Мағауин Америкада жерленетін болды, деп хабарлайды Qaz365.kz.
Бұл туралы АҚШ-та жүрген ІТ саласының маманы Тимур Бектұр әлеуметтік желідегі парақшасында жазба жариялады.
"Әгәрәки, АҚШ-та жүргендер болса, рәсімдері осындай:
- қаңтардың 9-ы, бейсенбі ақшамда дүние салған Мұхтар Мағауиннің жаназасы ертең, қаңтардың 11-і сенбі күні сағат 10:00-де түріктің Diyanet Center of America мешітінде (9610 Good Luck Rd, Lanham, MD 20706) оқылады,
- қонақасы да сол орында 13:00-де беріледі.
- жерлеу рәсімі 11:00-де Parklawn Memorial зиратында (12800 Veirs Mill Rd, Rockville, MD 20853) өтеді", – деп жазды ол парақшасында.
Еске сала кетейік, белгілі классик, Қазақтың халық жазушысы Мұхтар Мағауин бүгін таңертең АҚШ-та өз үйінде өмірден өткені туралы жазған болатынбыз. Барша қазақ халқына және жазушының отбасына Qaz365.kz ақпараттық агенттігі ұжымының атынан қайғырып көңіл айтамыз.