АҚШ-та бұған дейін Қазақстан азаматтарының виза тәртібін бұзу оқиғалары тіркелген
АҚШ-та қанша Қазақстан азаматы ресми тіркелгені белгілі болды, деп хабарлайды Qaz365.kz.
Бұл туралы сыртқы істер министрінің орынбасары Әлібек Бақаев айтты.
Оның айтуынша, қазір AҚШ-тағы қазақстандықтардың заңсыз көші-қон мәселесі туралы нақты ақпарат жоқ.
«Қазір AҚШ-тағы қазақстандықтардың заңсыз көші-қон мәселесі туралы нақты ақпарат жоқ. Қазақстанның АҚШ-тағы консулдық есебінде шамамен 25 мың қазақстандық ресми тіркелген. Біз, елшіліктегі жағдайды бақылауда ұстаймыз. Жуырда Қазақстан азаматтарына ресми ескерту жасалды», – деді Әлібек Бақаев.
Вице-министр бұған дейін Қазақстан азаматтарының виза тәртібін бұзу оқиғалары тіркелгенін, мұндай жағдайды шешудің арнайы құқықтық тетіктері бар екенін айтқан болатын.