Шавкат Рахмонов кәсіби мансабында он жетінші жеңіске жетті
Қазақстандық файтер Шавкат Рахмонов (16-0) Лас-Вегаста (АҚШ) UFC 285 аралас жекпе-жектен турнирде өнер көрсетіп, қарсыласын мерзімінен бұрын жеңді, деп хабарлайды qaz365.kz.
Рахмонов американдық файтер Джефф Нилмен (15-4) жұдырықтасты және оны үшінші раундта тұншықтыру әдісімен жеңді. Жекпе-жек алдында Нил жартылай орта салмақтағы UFC рейтингінде Рахмоновтан жоғары болды: американдық жетінші, қазақстандық-тоғызыншы орынды иеленді.
Осылайша, Шавкат Рахмонов кәсіби мансабында он жетінші жеңіске жетті және әлі де жеңіліссіз, ал Джефф Нил бесінші рет жеңіліске ұшырады. Рахмонов үшін бұл UFС-дегі бесінші жекпе-жек болды (оның рекорды 5-0), Нил үшін оныншы (7-3).