Сұхбат соңында Шафкат келесі кездесуіне шығатын қарсыласын таңдап, жекпе-жекке шақырды.
Жеңісті жекпе-жектен кейін Шафкат Рахмонов Лас-Вегастың шаршы алаңында тұрып, қазақ тілінде сұхбат берді, деп хабарлайды qaz365.kz тілшісі.
- Тамаша жекпе-жек! 17-ші жеңісіңмен құттықтаймын! Бәрінде де мерзімінен бұрын жеңіске жеттің. Бұл жеңісіңмен сен ТОП-Президент боласың.
- Ассалаумағалейкүм! Бұл жеңіске жеткеніме өте қуаныштымын. Алла Тағалаға мың да бір рахмет! Осынша жерге келіп, еліміздің көк Туын көтеріп, жауынгерлерді қуантып жатқаныма. Әрине, титулға жетуіме көп қалған жоқ, бір-екі кездесу қалған шығар. Мен дәл қазір де жекпе-жекке шығуға дайынмын.
- Бұл Джефф Нил үшін қиын кездесу болды. Ол сені тексеріп көргісі келді. Сен үшін қиын болды ма? Джефф Нилдің соққылары саған дарыды ма?
- Әрине, Джефф Нил – мықты қарсылас. Бұған дейін оның ешкім жеңген жоқ. Бірінші рет мен жеңіп тұрмын. Өте қуаныштымын. Негізі салмағы ауырлау болды. Күрескен кезде де салмағы білінді ғой, 2 кг қумаған еді. Негізі бұл кездесуден бас тартуыма да болатын еді. Бірақ мен оны қабылдадым. Құдайға шүкір!
- Құтты болсын! Келесі жолы біз сені титул үшін жекпе-жектен немесе топ-қарсыласпен кездесуден көрейік.
Сұхбат соңында Шафкат келесі кездесуіне шығатын қарсыласын таңдап, жекпе-жекке шақырды.