Марқұм кабинетінде есінен танып құлаған
Орал қалалық сотының тергеу судьясы Нұрлан Губашев жұмыс орнында қайтыс болды. Бұл туралы Qaz365.kz тілшісі «Мой город» басылымына сілтеме жасап хабарлады.
Ақпаратты Батыс Қазақстан облысының полиция департаменті растады.
"Оның денсаулығы жұмыс орнында нашарлаған. "Жедел жәрдем" шақырған адамның айтуынша, ол есінен танып құлаған. Марқұмның денесінде зорлық-зомбылық белгілері жоқ", – делінген хабарламада.
Облыстық денсаулық сақтау басқармасының хабарлауынша, қоңырау сағат 9:48-де түскен.