Тиісті бұйрықты бүгін Үкімет отырысында Премьер-министр Олжас Бектенов айтты.
Олжас Бектенов өңірлерде қандастар мен ішкі қоныс аударушыларға барлық қажетті көмек көрсетіп, жәрдем беруді тапсырды, деп хабарлайды Qaz365.kz.
Еңбек министрлігі мүдделі мемлекеттік органдармен бірлесіп, этникалық көшіп-қонушыларға елге келгенге дейін алдын ала сауалнама жүргізу құралдарын енгізуі қажет. Бұл қандастардың жеке және кәсіби артықшылықтарын бағалауға мүмкіндік береді, – деді Үкімет басшысы.
Оның айтуынша, қандастарды еліміздің солтүстік және шығыс өңірлеріне тарту бойынша ақпараттық-түсіндіру жұмыстарын күшейту керек.
Қазақстанға келетін шетелдіктер көбейді
Олжас Бектенов сонымен бірге жаһандық геосаяси өзгерістер мен миграциялық ағындардың күшеюі жағдайында халықтың көші-қон мәселесі аса маңызды басымдыққа айналып отырғанын айтты. Ол Мемлекет басшысының тапсырмаларына сәйкес, нақты реттелетін көші-қон саясатын қалыптастыру керектігін жеткізді. Ол үшін нормативтік құқықтық базаға аудит жүргізіп, мемлекеттік органдардың көші-қон саласындағы функционалдық мүмкіндіктеріне талдау жасау қажет болады. Заңсыз көші-қон, өңіраралық диспропорция және көші-қон ағындарын бірыңғай есепке алудың болмауы сияқты барлық өзекті мәселелер бойынша жүйелі әрі кешенді шешімдер қабылдануға тиіс.
Айта кету керек, соңғы 2 жылда Қазақстанда тұрақты тұратын шетелдіктердің саны бір жарым есеге артқан.