Дәрігерлер Жамбыл облысының Мойынқұм ауданында оқ жарақатын алған төрт ер адамның жағдайы туралы айтты
29 шілде кешкісін Мойынқұм ауылында атыс болды. Сағат 21:30 шамасында аудандық ауруханаға оқ жарақатын алған төрт ер адам жеткізілген, деп жазады Qaz365.kz.
Алдын ала мәліметтерге сәйкес, жараланғандар травматикалық қарудан жарақат алған. Аталған дерек бойынша Қылмыстық кодекстің 24-бабы 3-бөлігі және 99-бабы 2-бөлігі бойынша (Адам өлтіруге оқталу — екі немесе одан да көп адамға қатысты, адамдар тобы, алдын ала сөз байласқан адамдар тобы немесе бұзақылық ниетпен жасалған) қылмыстық іс қозғалды. “Күдіктілерді анықтап, ұстауға бағытталған жедел-іздестіру іс-шаралары кешені жүргізілуде” деп хабарлады Жамбыл облыстық полиция департаменті.
Қазір оқиғаның мән-жайын анықтауға бағытталған тергеу амалдары жүріп жатыр.
Жамбыл облыстық денсаулық сақтау басқармасының мәліметінше, жараланған төрт адамның екеуі жансақтау бөлімінде, екеуі хирургияда жатыр.
– 28 жастағы науқас 29 шілде күні сағат 21:10-да ауруханаға түскен. Диагнозы: “бас, кеуде тұсы және оң жақ білезік тұсындағы резеңке оқтан жарақаттану”. Оң маңдай-шек аймағында және оң білекте – жыртылған-кесілген жаралар. Оң және сол жамбас тұсында — көптеген шаншыла-кесілген жарақаттар, сыртқы қан кету, 2-дәрежелі жарақаттық шок. Жаралар бастапқы хирургиялық өңдеуден өтті. Жағдайы ауыр, бірақ тұрақты, – дейді дәрігерлер.
26 жастағы науқас сағат 22:10-да түскен. Диагнозы: “сол білек, сол жамбас және оң қолдағы оқ жарақаты”. Оң қолдың екінші саусағының ортаңғы буынында ашық, ұсақталған сынық. Сол жамбаста – жанап өткен оқ жарақаты. Оң жамбаста – соқыр (кірген, шықпаған) оқ жарақаты. Сол білекте – кіріп-шығатын (сквозное) жарақат. Жаралар хирургиялық өңдеуден өтті. Жағдайы ауыр, бірақ тұрақты. Екі науқас хирургия бөлімінде. Бірі — басынан жыртылған-кесілген жарақат алған, екіншісі — қолынан оқ жарақатын алған. Екеуі де операция жасалды, жағдайлары тұрақты.