Сотталған кәсіпкер Қайрат Боранбаев бостандығын шектеу жазасын жеңілдетуге тырысып жатыр
2 қазанда Алматы қаласы Бостандық ауданы №2 аудандық қылмыстық сотының сайтындағы істерді қарау кестесінде олигархтың тегі пайда болды, деп хабарлайды Qaz365.kz.
Белгілі болғандай, кеше оның шартты түрде мерзімінен бұрын босауға өтінішін қарау жоспарланған. Алайда күтпеген жерден ол өз өтінішін қайтарып алған.
«Сот отырысы барысында сотталған өз өтінішін қайтарып алды. Сондықтан сот оның арызын қараусыз қалдырды», — деп хабарлаған Орда сайтына Алматы қалалық сотының баспасөз қызметі.
Еске сала кетейік, 2023 жылы Боранбаев ұрлық және қылмыстық жолмен алынған табысты заңдастыру деректері үшін сегіз жылға бас бостандығынан айырылған. Кейін жаза мерзімі алдымен алты жылға қысқартылды, артынша ол бостандығын шектеу жазасына ауыстырылды. Сол жылдың қараша айында кәсіпкер түрмеден босап шықты.