Астана әкімі Жеңіс Қасымбек әлеуметтік желілерде тараған жоғары қызметке тағайындалады деген ақпаратқа түсініктеме берді, деп хабарлайды Qaz365.kz.
Бұл сұрақ қала басшысына Үркер тұрғын алабындағы есептік кездесуде қойылды. Әкім өзіне қатысты тараған әңгімелерді «жәй ғана қауесет» деп атап, жұртты мұндай ақпаратқа сенбеуге шақырды.
«Өзіңіз дұрыс айтып отырсыз, бұл тек қауесет. Қауесетке сенудің қажеті жоқ. Мұндай әңгімелерді талқылау – орынсыз нәрсе», – деді Жеңіс Қасымбек.
Айта кетейік, Жеңіс Қасымбек 2022 жылғы 8 желтоқсанда Мемлекет басшысының жарлығымен Астана қаласының әкімі болып тағайындалған. Бұған дейін ол Қарағанды облысын басқарған.